作者/提供者:小欣欣
第一日朝早一入地盤，對住成班人就大聲話：你們走(早)，成班友愕然，好耐先明白佢想講乜，跟住介紹自己：我是來逮捕(遞補)李經理的，大家更驚愕，為左補救，佢又解釋話：我的普通話說起來不流淚(利)，D人開始笑到收唔到聲。
開會篇
拎住疊圖紙，手忙腳亂，叫旁邊條友幫手：你幫我剪(展)開圖紙，旁邊條友好奇怪咁望住佢唔知點做好。
佢拿出參考工程圖片，又叫班繪圖員：你們謀反(模仿)一下。
開會到中午食飯時間，又向成班人宣佈：我們現在幽(休)會一下。
見客篇
同設計師開會仲攪笑，設計師問前任項目經理而家點呀，佢答話：李經理他永生(榮升)了。人地終於攪清楚佢講乜，佢又爆句：你錯(坐)啦，設計師一頭霧水，問番佢：我錯那裏？錯(坐)在阻(左)手邊。
佢又同監理話：你們一(二)號樓(爐)頂有好多漏(露)水，監理莫名其妙，一號樓都未封頂！
見工程總指揮時又恭維人地：你真是大盲(忙)人！
施工篇
走到工地，又叫大家：你們進牢(樓)吧
見到老總，佢又講：這一部份的腸(牆)我會找軍人(專人)負責去到水浸部份，佢唔想行，同大家講：我不行啦，大家又愕然，因為普通話中不行即係唔掂咁解，佢見大家望住佢，又解釋：是我的孩子(鞋子)不好！
瞭解員工篇
對兩女工講，妳們好像是舞女(母女)
又同員工講：香港人同大陸人一樣，大家都是閻王子孫(炎黃子孫)嘛
佢問未婚員工：什麼時候是你們的分(婚)期
佢又問已婚員工佢個外(愛)人也在北京嗎？幾耐同罪(團聚)一次
佢仲話自己家人都移民去左米(美)國
小姜的民俗雜學社 Noah's folklore 